FOKA VETS ONLINE
مطروح للطب البيطرى اهلا بكم
يرجى منكم التوجه الى كلمه تسجيل كى تسجل العضويه هنا
مشاركتكم وانضمامكم الينا يسعدنا كثير



 
الرئيسيةالبوابةاليوميةمكتبة الصورس .و .جبحـثالمجموعاتالتسجيلدخول

شاطر | 
 

 الهستولوجي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
body
مشرف ادم
مشرف ادم
avatar

ذكر عدد المساهمات : 162
نقاط : 2995
الاوسمه : الثور تاريخ التسجيل : 17/04/2010
العمر : 24
الموقع : هو دة
المزاج : عالى جدا

بطاقة الشخصية
للبيطرين وبس: 33

مُساهمةموضوع: الهستولوجي   الإثنين أبريل 19, 2010 8:51 am

بسم الله الرحمن الرحيم


هو العلم الذي يدرس تركيب الخلايا والأنسجة
وعلى فكره احنا خدنا اغلب الهستولوجي ده في الاحياء في الدراسة الثانوية
من خلال دراسه الخلايا ومكوناتها
هي كل الحكاية اختلاف اللغة
طيب نظام الماده ده ايه
توزيع الدرجات
الماده ده من 150 درجة
تقسيمهم ازاي بقه
75 درجة نظري في ورقة الامتحان
15 شفوي
5 درجات لكراسه الرسم
25 عملي
20 أعمال سنة

10درجات متنوعه
وهو توزيع قابل للاختلاف
حسب رئيس القسم للماده


الماده ده اول السنة اول ما هتبداها هتكرها وهتبقى مش طايق تفتحها وهتعوز ترمي الكتاب ومتفتحوش تانيده عادي جدا لان الماده بتعتمد على الحفظ بدرجة كبيره
بس بعد ما تدرس الاربع المواد هتلاقي ان الهستولوجي هو اسهل ماده
واحد هيقلي ازاي اسهل ماده
اقلك يا سيدي
اولا هو اسهل ماده تتلم يعني لما تتاخر في مزاكرة محاضره او اتنين هتعرف تلمهم بسهولة
مش معنى كده انك تتاخر فى المذاكره
بس ما تقلقش لو فاتتك محاضره مش مذاكرها
لو فاتتك محاضره مش هتعمل مشكله اوي وممكن تعرف تذاكرها لوحدك

طيب الماده ده هندرسها ازااي
لما تيجي تذاكرها
هتهتم بحاجتين
تذاكر النظري والعملي
وهأشرح العلمي بعدين عشان مش هتفهموه دلوقتي

نيجي بقه للمنهجايه محتواه

اولا CYTOLOGY
ده بيدرس مكونات الخليه وكل حاجه فيها بالتفصيل الممل زي النواة والميتوكندريا وغشاء الخليه ... إلخ هتدرس طولها وعرضها وقطرها ومكانها في الخليه ووظيفتها وكده يعني

ثانيا BASIC TISSUES

يعني ايه يعني بندرس كل انسجه الجسم الرئيسية وهم اربع انسجه

EPITHELIAL TISSUE اللى هو النسيج الطلائي

CONNETIVE TISSUE اللى هو النسيج الضاموده بيندرج تحته 3 شباتر كمان اللى هم

cartilage الغضروف
bone العظام
blood الدم


muscular tissue
اللى هو النسيج العضلي

nervous tissue
اللى هو النسيج العصبي

ثالثا vascular
هو ايه دهده شابتر هندرس فيه الاوعية الدموية يعني الشرايين والاورده وكده

رابعا lympoid

الشابتر ده بيدرس الجهاز الليمفاوي اللى بيدي الجسم المناعه زي الطحال والغدد اللمفاوية واللوز وكده
خلااااااااااص
كده المحتوى خلص
طب نتكلم بقه عن الهستولوجي عامه
العملي بتاع الهستولوجي مهم جدا
طب بيتكون من ايه العملي ده
العملي فيه جزئين
رسومات وشرايح
ايه الشرايح ده
الشرايح هي عبارة عن بعض الحاجات اللى هتاخدها زي خلايا الدم مثلا زي الطحال والحاجات كده هتشوفها تحت الميكرسكوبوفي الامتحان بتعدي على حوالى 15 ميكرسكوب مدتك على كل واحد دقيقه والمفروض تتعرف على الشريحه والصبغه اللى مصبوغ بيه الحاجه اللى تحت الشريحهالصبغات ده حكايتها سهله وهنتكلم عنها قدام شويه
طيب والرسومات
الرسومات هي رسمة لكل حاجه بتاخدها وهي امرها سهلبس فيه نوعين من الرسومات

E.M اللى هي بالمكرسكوب الالكتروني وده بتترسم بالقلم الرصاص

L.M اللى هي بالمكرسكوب الضوئي وده بنولهااما بالاحمر والازرق وده عشان بنصبغها بصبغه اسمها H & E ده اختصاء وهتعرفها بعدينواما بالبني بقه او الوان تانيه حسب الصبغاتوده هتعرفها لما تبدا دراسه ومش مجال لذكرها دلوقتيطيب كده خلصنا تقريبا استعراض للمنهج


ملاحظات مهمة عند مذاكره الهستولوجي
1 / تقرا الجزء اللى هتذاكره الاول بتركيز وتركز على العنواين الرئيسية والاساسيات وتعرفها كده بتكون خدت 80 % من االدرجة وبعد كده تبدا تتفحص وتقرا بالراحه بقه

2 / الطول والعرض والقطر اللى هي DIMENSIONS مش مهمة اوي بس فيه حاجات هيركزوا عليها اوي المفروض تبقى عارفها دايما

3 / كل ما تخلص شابتر حاول تربط اجزاءه ببعض وتعملها زي خريطه في دماغك كده ده هيساعدك

4 / لما تذاكر الخلايا حاول تعرف كل خليه السيتوبلازم بتاعها حمضي ولا قاعدي

5 / حل الاختياات اللى هي M.C.Q مهم جدا وهيفيدك كتير وهيثبتلك المعلومة

6 / المراجعه باستمرار مطلوبه في الهستولوجي لانه بيعتمد على الحفظ وسهل يتنسي

7 / ترسم بإيدك كل حاجه بتذاكرها وده هيسهل عليك جدا

8 / وانت بتذاكر هات ورقة فاضيه واكتب فيها الكلمات الرئيسية

9 / اعمل مقارنات كتير للخلايا في جداول ده هيسهل عليك ويخليك تحفظ بسهولة

10 / حب اللى انت بتذاكره واوعى تغصب على نفسك


افضل الدكاتره فى الهستولوجى
سواء فى المدرجات او فى الدروس
هما اتنين
دكتوره جيهان ابو الفتوح
ودكتوره داليا المراكبى
الاتنين مستوى رائع جدا
فى برده دكتور محمد عطيه
غاتةن
الرجوع الى أعلى الصفحة اذهب الى الأسفل
Dr/DO7A KANDIL
المدير العام (Admin)
المدير العام (Admin)
avatar

انثى عدد المساهمات : 302
نقاط : 3098
الاوسمه : القوس تاريخ التسجيل : 03/04/2010
العمر : 24
الموقع : ض7ى

مُساهمةموضوع: رد: الهستولوجي   الجمعة أبريل 23, 2010 8:49 pm

تسلم ايدك على الموضوع

التوقيع

**********************
الرجوع الى أعلى الصفحة اذهب الى الأسفل
http://vets-online.top-board.com
 
الهستولوجي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
FOKA VETS ONLINE  :: الفئة الأولى :: مواد الفرقه الاولى :: هستولوجى-
انتقل الى: